Luk 19 | KMG | STEP | Jesu e Jeriko haeo fisirâ fotâcnezo ewec.

Luke 19

Zakaiore binaŋ

1 Jesu e Jeriko haeo fisirâ fotâcnezo ewec. 2 Eme hae ira ŋic moc juwec, šâŋene Zakaio, e takesi roro jaŋere micne, erâ moneŋ mafa sâko-ticnehec juwec. 3 Eme ŋic eki Jesu hawari-ticne honeocte ecnewec. Erâ e ŋic bembeŋnere ŋicŋondeŋko domahuc tiŋtiŋne-bipiewec. 4 Iŋuc erâ gagasac jaha ŋic jowaru-fârerâ ra nemuja hahaŋko ferâ ŋehuc šiŋuc muwec: “Jesu šira ware rame honepe.” 5 Eme Jesu e ira fisirâ fime feme honerâ šiŋuc âzâcnewec: “Zakaio go picpac wahac, no miŋecgac ficgao iqicgupemu.” 6 Mume izia picpac jaha waharâ bubiaŋ manahuc ficticnao jowame fepic. 7 Eme ŋic sasawa jaŋe i honerâ mana sâqorerâ mumbiŋ, “E wemocte ŋic sâqocnere ficko fejec fokac.” 8 Zakaio eki ine Jesure maŋfuŋko rarâ muwec: “Manakic, Wofuŋ, moneŋ mafa-nane sâckoa bâtâc barâ tucne ŋic hapetac jarepemu, â ŋic gâcne moneŋ sâc jâuruhuc jowac ropo ine ropo sâc i fohame baferâ okacne bazu-jarepemu.” 9 Eme Jesuzi muwec: “Ŋic kecši Abrahamte ɋâric jaha, irec ere ficko miŋecgac miti fuame biaŋkekac. 10 Ŋic Fâri Wâtuŋne e ŋic sâqorekicne rocjoparâ bâpiaŋ-jopazore wahawec hâcne.”

Ŋic moneŋfoŋ jarekicne jaŋere binaŋ

(Mat 25: 14-30)

11 Jesu e Jerusalem hae bâqiŋkeme ŋic dâŋticne manambiŋzi mumbiŋ, “Ʒi Anuture uucmaŋ fua taniŋkeocte dameŋne maickekac.” 12 Eme irec Jesuzi dâŋ suŋsuŋne moc šiŋuc jazawec: “Ŋicbomboŋ moczi, ŋicwofuŋ sâkorao ra mupe mâreŋ soŋaŋ âkendâŋnume risiezepac, muhuc mâreŋ wiwicko rawec. 13 Raocte kiŋaŋ motecfâcne 10 hefârec-joparâ moneŋfoŋ mocjaha mocjaha muhuc jarewec: `Ŋoŋe moneŋ ši kime kiŋ qahuc basawehuc juhapie risiezepac. Ž 14 Rahame ŋicfâcne ere takic-jopawecte ŋic kiŋaŋ sorec-jopapie šâhec rarâ ŋicwofuŋ sâko šiŋuc âzâcnembiŋ: `E mâreŋ soŋaŋ-nâŋec mi juocte muŋgopeneŋ. Ž 15 Eme ŋicwofuŋ sâko e sifu mâreŋ soŋaŋ âkendâŋneme risiewec. Risierâ kiŋaŋ motec moneŋ jarewec jaŋe šiŋuc muhuc hefârec-jopawec: `Moneŋ ŋarepo i giene bahuc hotâckekupie wezimuc fuawec? Ž 16 Hefârec-jopame kiŋaŋ motec moczi fisirâ muwec, `Bomboŋ, go moneŋfoŋ mocjaha naremeŋ izi furune 10 kime fuawec. Ž 17 Mume šiŋuc âzâcnewec: `Sowine kiŋaŋ motec biaŋne, go wiac omanere gie aimuŋ bameŋte noni hae 10 jaŋere soŋaŋ râecgupe juzemec. Ž 18 Iŋuc mume kiŋaŋ motec moczi fisirâ muwec, `Bomboŋ, go moneŋfoŋ mocjaha naremeŋ izi furune 5 kime fuawec. Ž 19 Mume šiŋuc âzâcnewec: `Sâcne, go hae 5 jaŋere soŋaŋ juzemec. Ž 20 Eme kiŋaŋ motec moczi fisirâ muwec, `Moneŋfoŋge ši, no qoruczi foŋkerâ aimuŋ râepe fowec. 21 Go ŋic gereŋ gereŋne, go gahac wiac mi hurehuc gâcnezi bâfuapie rozo muekic, â go gahac gie he sarac mi ehuc gâcnezi bapie fârine fuame nâzo muekic. Eme no irec araŋ bagarehuc moneŋge aimuŋ bajupo. Ž 22 Mume bomboŋzi šiŋuc âzâcnewec: `Kiŋaŋ motec sâqocne go, gahac dâŋ mumec ijaha bâtikie-garekopac” no ŋic gereŋ gereŋne, no nahac wiac mi hurehuc gâcnezi bâfuapie rozo muekopac, â no nahac gie mi he sarac ehuc gâcnezi bapie fârine fuame nâzo muekopac. 23 Go fuŋne-nane iŋuc manahuc moneŋ-nane moneŋŋic jaŋerao râetec jaŋe kime kiŋ qakupie sawehame risierâ rozapo. Ž 24 Iŋuc murâ ŋic domambiŋ jaŋe šiŋuc jazawec: `Ŋoŋe moneŋfoŋ-ticne jâoc rorâ 10 bajukac e râceniŋ. Ž 25 Eme jaŋe mumbiŋ, `Hâc, bomboŋ, e 10 bajukac i! Ž 26 Eme muwec, `No ŋazape mananiŋ, moc e wiac râcnekicne bajume kiqecnecnezo, â moc e wiac râcnekicne mi bajume jâoc rozo, eme mâc juzejec. 27 Râsifâc-nane ŋicwofuŋ-jeŋic mi jupere muŋgopieŋ, ine bacjopa warerâ honehape jopa mizieniŋ. Ž ”

Jesu e doŋgio Jerusalem haeo fewec

(Mat 21: 1-11” Maò 11: 1-11” Joh 12: 12-19)

28 Jesu e dâŋ i mufârerâ Jerusalem haeo fisiocte rawec. 29 Raku Oliwa tikio ferâ Betefage â Betania hae bâqiŋ-jofawec. Ehuc motecfâcne jaŋeraonec jajahec šiŋuc muhuc sorec-jofawec: 30 “Hae rajecko ŋekac ira ranic. Rarâ doŋgi motecne niŋgiŋko domakac i bâfuanicmu. Motecne i ŋiczi fainao mi ŋekicne furune. Eme i bâfuarâ firuerâ bareniŋ. 31 Firuepire ŋic moczi `wemocte rokopirec? Ž mume šiŋuc muhuc âzâcnenic: `Wofuŋzi irec mukac. Ž ” 32 Mume motec jahe rarâ muwec sâc bâfuapic. 33 Eme doŋgi firuepire rune jaŋe mumbiŋ, “Ŋohe wemocte goroŋkekopirec?” 34 Jahe mupic, “Wofuŋzi irec mume rokoperec.” 35 Iŋuc murâ Jesurao bararâ fainao ŋaqi-jeŋic râerâ Jesu sâsepie fewec. 36 Ferâ rame ŋaqi-jeŋic hatao rumacke rambiŋ. 37 Eme Oliwa tiki heâŋnao huhuctecne kikefuŋ gurufâc-ticne jaŋe mâsi-ticne fuŋne fuŋne honembiŋ irec manasurâ šeri ehuc Anutu mucne bacnembiŋ. 38 Ehuc fânâŋkehuc šiŋuc mumbiŋ: “Ŋicwofuŋ-nâŋec Wofuŋte micte warekac e mumbiaŋkenaŋ, faic sambâŋko wama bumâteŋ fokâc â hae faic micne ira šeri mumuteŋ fokac.” 39 Iŋuc muhuc fânâŋkepie farisaio moc moc ŋicŋondeŋko jumbiŋ jaŋe šiŋuc âzâcnembiŋ: “Qaqazu, qâjâpecfâcge qatara-jaretec beheniŋ.” 40 Mupie jazawec, “No ŋazape mananiŋ, jaŋe niniŋkeniŋmuo qânâzi owackeniŋmu.”

Jesu e Jerusalem haere kiowec

41 Eme rarâ Jesu e Jerusalem hae mai jaha ŋeme hone-fârerâ bune herickeme kiohuc muwec: 42 “Go akio juhâmocmurâ irec hatane dameŋ šiŋuczia hone taranšaŋ me¡ Go ine šâŋege hâpokicnere wiac mi šâŋitaekic. 43 Juku dameŋ moc maicgume râsi jaŋe fisirâ somâcgurâ ŋebâzicgupie nanamaŋ bititi erâ bâŋeŋkecmu. 44 Erâ fic šoŋ hae šoŋ egarehuc motecfâcge qâmiziec-jopapie raŋe siaeŋ foraniŋmu. Eme haege ŋetâ qâtâtieme sesucne fuarâ foocmu. Anutuzi maicguha râpeckemeŋ, irec wiac i fua-gareocmu.”

Jesu e taha ufuŋ furu muwec

(Mat 21: 12-17” Maò 11: 15-18” Joh 2: 13-22)

45 Dâŋ i mutararâ ra taha ufuŋko fewec. Ferâ wiac nareŋ gareŋ ehuc domambiŋ jaŋe šiŋuc muhuc jâpec-jopawec: 46 “Fic kecširec dâŋ šiŋuc mukic ne: Ficnane i nunumu fic ŋezejec, ŋoŋe ine epie fiuc sindaŋ jaŋere qânâuŋ-tinac ekac.”

47 Eme šoaŋne šoaŋne taha ufuŋko miti jaza qazuc ehuc juwec. Ehame taha bapa micne â miti qaqazu â micne bapa sasawa jaŋe ine qapie arictac eocte dâŋne mumbiŋ. 48 Erâ ŋic omane mâmâc sasawa miti-ticne manarâ erea boc ejarewecte quŋkembiŋ.